منتديات عراق شمس الحريه

أهلا بالزائر الكريم نتشرف بك / لا تقرء وتذهب سجل ويانا وتعرف على أجمل ألاصدقاء / مشاركتك الحلوة هي سعادتنا / شخصيتك هي كل شي / منتديات عراق شمس الحريه / جلسة عراقية فيس بوك / كل ما هو جميل / أخبار كل ما ه جديد / ونشكركم ونتمنا تسجيلك و

منتديات عراق شمس الحريه

حب /صداقة/ حنان /رياضة/ فن /شعر/ قصأد /دردشة/كل ما هوة جميل من منتديات عراق شمس الحريه
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
cheers السَّلامُے وعَلَيْكُمُے وَرَحْمَةُ اللهِ وَبَرَكَاتُهُے study لأنـنـآ نـعـشـقِ التـميز والـِمُـِمَـِيّـزِيْـטּ يشرفنـآ إنـظمـآمڪ معنـآ study أثبـت تـوآجُـِدڪ و ڪـטּ مـטּ [ الـِمُـِمَـِيّـزِيْـטּ ..! لـِڪي تـسـتـطـيـع أن تُـِتْـِِבـفَـِنَـِـِا [ بـِ موآضيعـڪ ومشارڪاتـڪ معنـِـِـِآ ] lol! قم بتسجيل في منتدانى :دب

شاطر | 
 

 عاشق عمره ثمانون سنة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عباس طريم



عدد المساهمات : 1
نقاط : 1851
امعجبون بي : 1
تاريخ التسجيل : 04/11/2012

مُساهمةموضوع: عاشق عمره ثمانون سنة   الإثنين نوفمبر 05, 2012 1:13 am


عاشق عمره 80 سنة

عباس طريم

احب الرجل من يوصل ثمانين
ويتغزل اذا صادف
ابنيه

اتشوفه اتكول يمكن عمره عشرين
يعادل من شباب اليوم
ميه

يلبس قاط بالتقسيط بالدين
المهم يطلع انيق وحلو
زيه

كريم وينطي للحلاق مرتين
حتى ايطلعه متانق
شويه

تهل من عنده انواع الرياحين
جميلة من العطور
الفرنسيه

يتعمد يمر من النساوين
اوحده اتكل للخره .. شماله
خيه

يحرك الهن احجابه شمال ويمين
ويروح اويجي ابحجة
خويه

يمر بيهن يكل الهن ملاعين
ارحمولي القلب , اشعلتوا
ابيه

يبصبص من تجي الحلوات, بالعين
بلجي اتحن محاسن , لو
سنيه

اذا ضحكت وراهه ايروح للصين
وذا وصلت , ايرابط
بالثنيه

يضطر ياكل التشريب بالدين
وما يسمح يكول احد ,
عليه

لا مانع يسافر صوب برلين
اذا كالوله تلكالك
صبيه

اذا كالت صباح الخير, نرمين
يلزك , لو تجيه وتكرصه
حيه

كلما ايشوف حلوه يكول امين
ياربي عساهه اتكون
اليه

وكلما ايشوف كل الناس لاهين
وتصد عينه اعله حلوه ,ايكول
هيه

يمشي امن الصبح مايدري لاوين
صياد ويفتش
بالبريه

مرة اتشوفه يم اسواق تحسين
مرة ايذب شبج

بالشالجيه

شحلاته ايسبح ابنص الدواوين
قناص ويراقب من

ربيه
جلمة عمو عنده اتشين وتهين
وجلمة جدو طركاعه
وبليه

يجرب كل طريق الزين والشين
وكل يوم اليجي ايطيح

ابهبيه

اكل طكات لمن تعب , مسكين
وابد ما تاب لو غير
الجيه

بيت جواد خلو بي نياشين
واخياطين من زهره
وزكيه

ومن زينه وحبايبه دعوتين
وطلع منهه ابكفاله ابخمس
ميه

منعوه يوصل الهم ال ياسين
وحلفوا من يجي ايسووه
ضحيه

وبس طلعوا لكوه بين البساتين
وثار اعليه تفك من كل
ثنيه

رجع شارد ايشدشد بالقياطين
فحطان ويدور على
اميه

مرة امغططينه ابجيحة الطين
وكلهه اتصيح من سوده
عليه

عنيد وراسه حار وابد ما يلين
والحب عنده عنوان
وقضيه

اجته اكوامه من اولاد شاهين
واجه تهديد من فرحه
وضويه

لليابان شردت منه نسرين
وتركت بيتهه وشلعت
سنيه

محاصر ما طلع من بيته شهرين
ويغني الولف جيبوه
اليه

محارب سوموراي ويحسب اللين
اداة الخايف الايده
رخيه

مخطط حربي ويشبه استالين
ويؤمن بالنصر مية
بالميه

ملت من شكاويه الدواوين
كل يوم اليمر كعده
وشكيه

خمس افصول واتسجلت بالدين
واتاجلت بالعطوة
البقيه

دعاوي اتقدمت ضده شكابين
وصلوهه الوزير
الداخليه

وللريس جلال الناس شاكين
راحوا , قابلوه
بالجادريه

وكال انشا الله اتطلعون راضين
سهله اهواي مو صعبه
القضيه

وكللهم الريس انتو غالين
لكن ما اشوفن اي
اذيه

بعده الرجل ما واصل التسعين
مراهق والجره اتحسبوه

عليه

احبائي الشعب صيروا امفتحين
هذا الشاب يا وسفه
ضحيه

اظن ياكل تمر حلاوي وتين

ويكسب طاقه جدا
قويه

ابو السبعين شنهي وابو العشرين
ماكو اي فرق كلهم
سويه

اذا جان الكلب ريان ويعين

هو ايصير عمره
البالهويه

كل الناس يا ابنائي فانين
ويا محلاه ابو الروح
النديه

اقنعهم الريس بالبراهين
وطلعوا بيد كل واحد
هديه

والريس نعرفه ايميل للين
ويحمل روح طيبه
وعراقيه

وظل صاحبنه كاعد بين نارين
نار اللوم والنار
السريه

احتارت بي الوادم كالمجانين
وما ظل غير بس رب
البريه

ينصحونه ويردون الجوارين
ويقنعهم ابتكتيك
ورويه

يمشي ويلتفت يعرف معادين
ينطرونه ويبدل دوم
زيه

اذا صادف بنات اهواي حلوين
راسا تنفتح عنده
الشهيه

ويهجم كالاسد ويكول ماضين
الى حيث الحروب

الجاهليه

مقاتل داخل انواع الميادين
ويعرف كل حفيرة وكل
زويه

مثل هذا الرجل يستاهل العين
كلبه ارهيف وروحه
طريه

رجل باصراره غيرهه الموازين
واظن يستاهل امن الكل
تحيه

احب هذا الرجل واكره الخاوين
الواحدهم ايلولح

بالوصيه

اكبور الهم امام العين بانين
اتشوفوهم اتشوفون
المنيه

احبنه واصير من الموالين
وادافع عنه بسنوني
وبديه

وذا امثاله اسميهم معاقين

اسميه ليث ابو الروح
الابيه

الحياة اتريد وتحب الميامين
حتى اتظل مع الايام
حيه

ندري انموت.. نعرف كلنه ماشين
لكن الحيا حلوه
وزهيه

ولتصيرون لي كلكم محامين
ضد هذا الرجل يهل

الحميه

لان البارحه , ومن صوت برلين
تزوج باتلر عن عمر
ميه

شعر : عباس طريم
الرجوع الى أعلى الصفحة اذهب الى الأسفل
علاء البغدادي
Admin
avatar

عدد المساهمات : 162
نقاط : 2557
امعجبون بي : 2
تاريخ التسجيل : 29/02/2012
العمر : 25
الموقع : http://www.facebook.com/alaa188

لعبة لآدوار
لعبة الآدوار:
1/1  (1/1)

مُساهمةموضوع: رد: عاشق عمره ثمانون سنة   الخميس نوفمبر 22, 2012 10:45 pm


ههههههههههههه
حلووه عباس حب

الرجوع الى أعلى الصفحة اذهب الى الأسفل
http://alaairaqi.forumarabia.com
 
عاشق عمره ثمانون سنة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عراق شمس الحريه :: قــسـم الأدبــيــة والــمــجــالــس الــثــقــافــيــة :: منتدى الشعر الشعبي-
انتقل الى: